HomeSEO

Interlinking kya hain? Esse Blog Traffic Kaise Increase Kare

Interlinking kya hain? Esse Blog Traffic Kaise Increase Kare
Like Tweet Pin it Share Share Email

Hello Dost, Aj ka ye article apke liye bahut hi important hain.  Esmein main apko bataunga ki interlinking kya hai, kaise karte hain, kyun karte hain.

Es post mein apko interlinking se related sab kuch padhne ko milega. Agar apke liye ye topic new hai to apko eske bare mein padhne mein bahut hi maza ayega because ye On-page seo ka ek bahut hi important part hain.

To bina der kiye jante hain interlinking ke bare main.

Interlinking Kya Hain?

Interlinking on page seo ka ek part jis mein blog ki ek post ko dusri post se link karte hain. Ye dono posts ek hi blog ki hoti hain.

Ek hi blog ya website ke 2 different pages ko aapas mein link karne ko interlink karna kahte hain.

Mai apne blog ki ek post ka example yha par lena chahunga jo ki themes se related hi hain. Uska title hain WordPress Theme Select Karte Samay En Bato Ka Rakhe Dhayn.

Hame es post mein interlink karna hai to sabse pahle koi related post search karni padegi. Aur maje ki bat to ye hai ki mere pas aise ek post hai jo mein es article main interlink kar sakta hun. Uska title ye rha – WordPress Pr Theme Install Aur Activate Karne ka Sabse Aasan Tarika.

Ye dono posts aapas mein related hai kyunki agar koi Theme select kar leta hai to zahir si bat hai wo usey install bhi karna chahega to un logo ke liye article relevant rahega.

I hope ap samajh gaye honge ki interlinking actual mai hoti kya hain.

Ab jante hai ki interlinking karte kyu hai aur eske kya benefits hain.

Interlinking Kyu Karte hain?

Interlinking karne ke bahut se SEO benefits hain. Eske alawa ek bahut bada reason hai aur wo ye ki esse acha user experience create hota hain. Jab koi visitor apke blog par aata hai to ap interlinking ke madhyam se topic se related other content offer karte hain.

Esse visitor apke blog par aur article padhta hain. Aur normal se jayda time spend karta hain.

Es bat ko kam ex example se samajhte hain.

Man lijiye ek shop hain us par koi kuch kharidne aata hain. Ab agar dukanwala aur chize bhi offer katra hain to ye chances rahte hai ki buyer kuch aur bhi kharid le. Es mai fayada shop wale ka hi hain.

Thik esi tarah agar hum apne visitors ko related content offer karte hai aur agar wo unhe pasand aata hain to wo hamare blog/site par jyada time spend karte hain.

Interlinking ke Benefits:

Interlinking ke bahut se fayade hain. Esse hamare blog ka seo improve hota hain. Ek bar interlinking ke benefits jan lene ke bad ap apne blog ke articles ko interlink karna kabhi nahi bhulenge.

Mai khud bhi pahle interlink ko jyada value nahi deta tha. Par jaise hi maine es par focus karna start kiya results show hone lage.

Mujhe pata hai ki en benefits ko padhne ke bad ap interlink par jaru focus karenge. Chaliye jante hai ki interlink karne se aakhir hota hain. Kya SEO benefits hote hain. Kuch fayada bhi hai ki hum bs aise hi ese follow kiye ja rahe hain.

1. Bounce Rate: 

Jab visitor apki post link par click karta hai aur usey bina padhe hi wapas chala jata hai to usey visitor ka bounce hona kahte hain.

Agar aisa bahut bar ho rha hai to ye Google ko indication deta hai ki users ko wo information nahi mil rahi jo ki unhe chahiye.

Es karan Google us blog post ko kam value deta hai aur uski ranking kam kar deta hain ya uski ranking improve nahi karta.

Interlinking karne se apke blog ki bounce rate kam hoti hain. Jab visitor apki site par aata hain. Aur usey main post se related article padhne ko milta hain to wo blog par jyada time spend karta hai aur esse bounce rate kam ho jati hain.

Visitor ki ye activity Google ko signal deti hain ki apke blog par bahut sari achchi information hain.

2. Related Content Search Karne Mai Aasain Hoti hain

Interlinking mein ap apni related posts ko ap link karte hain. Esse Google bots aur Users ko apke blog par related content ko padhne mein aasani rahti hain.

3. Link Juice pass hota hain:

Interlinking se ek post se link juide other posts link ko bhi pass hota hain. Eske try karne ke liye ap blog ki aise koi post ko select kare jo Google ke 1st page par rank kar rahi ho. Aur us post ke andar apni wo post interlink kare jisey ap rank karwana chahte ho.

Ye karte time es bat ka dhyan rakhe ki dono posts aapas mein related ho. Aisa karne se jis post ko apne interlink kiya hain uski rank improve hoti hain.

4. Crawl Rate Badhati:

Jab Google bot apke blog par kisi post ko crawl karta hai aur usey post mein interlinks milte hai to wo un inter-links ko bhi crawl karta hain. Esse apke blog ki crawl rate badhti hain.

Jab ap koi new post likhe to apni old posts mein us new post ko interlink kar de. Esse new post jaldi index hoti hain.

5. PageViews Increase Hote hain

Yadi kisi blog par bahut acha content hai aur sabhi blog posts par interlinking ki gayi hai to visitors ek se jyada blog posts visit karte hai kyunki unhe new information padhna acha lagta hain. Esse us blog ke pageviews badhte hain.

Ap apne blog par jha bhi possible ko natural inter-linking kare. Esse apke blog ka traffic improve hoga aur sath main adsense se revenue bhi badhegi.

Maine jab blogging start ki thi tab kayi kayi ghante main ache blogs padhne mein spend kar deta tha kyunki un blogs par interlinks they aur unka content kafi acha tha.

Interlinking Kaise Karte hain?

Interlinking karna bahut hi aasan hota hai lekin ese karte time hame kuch important baton ka dhyan rakhna chahiye. Esse hum apne blog posts ko thik se optimize kar sakte hain aur traffic increase kar sakte hain

 1. Blog par Enough content ho

Interlinking ke liye ye bahut jaruri hai ki apke blog par bahut sara content ho. Ap apne blog par bahut sara quality content produce kare.

Maan lijiye ap bluehost hosting ka review likh rahe hai to usse related tutorials bhi likhiye aur un sabhi ko aapas mein link kijiye.

Interlinking ke liye apka main goal related content create karna hona chaiye tabhi ap apni blog post ko aapas mein interlink kar payenge.

⇒ Pro Tip:

Agar ap kisi chiz se related guide likh rahe hai to us guide to different posts mein divide karke un sabhi posts ko interlink kar dijiye. Esse users ko apki guide padhne mai aasani rahegi.

Mai kayi blog par aisa dekha hai. Esse complete guide organize ho jati hai aur usey padhna jyada aasan hota hain.

2. Natural Anchor Text Use Kare:

Jab bhi ap interlinking kare to ye jarur dhyan rakhe ki uska anchor text natural ko. Kabhi bhi kisi specific keyword ko target karte hue interlinking karna acha nahi rahta. Esse Google ko negative signal jata hain.

Apka anchor aisa bhi nahi hona chahiye jisse ye bhi na pata chale ki wo interlink par jo  post hai wo kis bare mein hain.

Esliye ap common anchor text jaise ki read more, click here, more info, jaise anchor ko use mein na le.

Eski jagah aise text par interlink banaye jo ki regular text aur keyword ka mixture ho. Jaise ki – – ap yha padh sakte hai personality development tips jo ki apki personality ko improve karti hain. Ap es tarike ke natural anchor text use mein le sakte hain.

3. Relation hone par hi interlink lagaye:

Kabhi kabhi ye dekhne mein aata hai ki bloggers wha bhi interlink dal dete hai jha par blog posts ka aapas mein koi relation hi nahi hota.

interlink in a post

Ye dhyan rakhe ki inter-link wahi banaye jha jaruri ho. Agar ap seo se related blog post likh rahe hai to us post mein Apne Food Blog ko tabhi mention kare jab un mein koi common relation ho.

Unwanted interlink karna sahi nahi rahta. Esse users bhi misguide hote hain.

4. Deep Linking kare:

Bahut bar ye dekha gaya hai ki bloggers internal posts se home page ko bar bar link kar rahe hain. Ya phir contact, privacy policy, terms and conditions jaise pages ko post ke end mai bar bar link kar rahe hote hain.

Aisa karke ve link juice ko waste karte hain. Ap aisa bilkul na kare. Agar ap apne blog ke home page ko rank karwana chahte hai tabhi usey bar bar internal posts se link kare otherwise rahne de.

Blog ke internal posts ko link karne par jayda focus kare.

5. Follow Tag Use kare:

Jab ap link ke sath follow tag use karte hai to Google ko ye batata hai ki es link ko follow karna hain.

Google ne bahut pahle spamming ko rokne ke liye nofollow tag to use karna start kar diya tha. Eskbe bad sabhi sites ne apne blogs ko nofollow kar diya.

Backlink ke sath nofollow laga dene ke bad Google bot us link ko follow nahi karte hain.

Ap ye bat dhyan mein rakhe ki Google ka wo action external links ke liye tha aur hum bat kar rahe hai internal links ki. Apko unhe nofollow nahi karna chaiye.

Agar apne unhe nofollow kar diya to interlink karne ka koi fayada nahi hoga. Google bot apki blog posts par ayenga aur nofollow tag dekh kar interlinks ko follow nahi karega.

Esse apke blog ko koi bhi SEO benefits nahi milega

 6. Bahut Jayda Inter-Links ko Avoid Kare:

Kahi ap ye to nahi soch rahe ki bahut sare interlinks bana dene se apke blog ko fayada hoga. Waise to Google ne koi specific number nhi diya hai ki ap ek page par itne hi inter-links bana sakte hain.

Phir bhi bahut jayda link bana dene se wo natural nahi lagte hain. Apko relevant links hi banane chahiye.

Mein apni blogs posts mein enhe limited rakhta hun. Sirf 3 ya 4 inter-links ek  1500 words ki posts ke liye kafi hote hai.

Waise ye blog writer ki understanding hoti hai ki post mein kitne aise links aane chaiye.

7. Ek keyword ko target karte hue interlinking na kare:

Kisi ek specific keyword ko target karte hue frequently interlinking karna bahut hi galat hain. Esse keyword over optimization kahte hain. Google isey sahi nahi manta.

Apko partial match, branded, and generic text ko as anchor text use karna chahiye.

Conclusion:

Interlinking se Google bot ko apke blog structure ko samajhne mein help milti hain. Esse apke blog ko kayi seo benefits bhi hain. Agar ap apne blog ke traffic ko increase karna chahte hai to inter-linking ko daily practice mein laye.

Apne blog ki related blog posts ko interlink kare.

Es blog post ko padhkar apko kaise laga COMMENT krke hame bataye. Interlinking se related koi question agar apke dimag mein uth rha ho to, comment box mein puche.

 

Comments (4)

Leave a Reply

Your email address will not be published. Required fields are marked *